Ósigraður boxari á hraðri uppleið framdi sjálfsmorð

Boxaranum Edwin Valero frá Venúsúela var spáð bjartri framtíð í boxinu en af því verður aldrei eftir að hinn 28 ára gamli Valero framdi sjálfsmorð aðeins 24 tímum eftir að hafa viðurkennt að hafa myrt eiginkonu sína.

Edwin Valero framdi voðaverkið í hótelherbergi í Vensúela þar sem hann kallaði á hjálp eftir að hafa stungið eiginkonu sína þrisvar sinnum. Valero var handtekinn og ákærður fyrir morðið en hengdi sig síðan í fangelsinu.

Valero var við það að slá í gegn eftir að hafa unnið 27 bardaga í röð en hann var orðinn mjög þekktur í heimalandi sínu.

Í síðasta mánuði var hann ákærður fyrir heimilsofbeldi og var dæmdur til að halda sér fjarri eiginkonu sinni. Valero margbraut það þó áður en að kom að kvöldini afdrifaríka þar sem hann myrti eiginkonu sína.