Ætlar beint upp með Grindavík

Sigurbjörn Hreiðarsson, nýráðinn þjálfari Grindavíkur, segir það spennadi en krefjandi verkefni að komast aftur upp í deild þeirra bestu.

Grindavík féll í haust úr Pepsi Max deild karla en ætlar sér ekki að dvelja lengi í Inkassodeildinni.

„Mjög spennandi að taka við Grindavík, nýfallnir og það verður bara krefjandi að ná þeim aftur á tærnar,“ sagði Sigurbjörn í kvöldfréttum Stöðvar 2.

„Það er þarna fyrir öflugur kjarni af mönnum.“

„Við ætlum að reyna að vera samkeppnishæfir og gera atlögu að því að fara upp aftur.“