Afmynduð eftir boxbardaga

Hanson og Zaitseva ráku höfuðin saman í bardaga sínum um helgina. Skömmu síðar byrjaði andlit Hansons að bólgna upp og dómarinn átti engra annarra kosta völ en að hætta bardaganum eins og reglur kveða á um.

Skömmu eftir höggið var Hanson orðin blá og marin og andlit hennar hreinlega afmyndað.

Hún birti af mynd af sér eftir bardagann á Instagram þar sem hún leit nánast út eins og fílamaðurinn.

Hanson gat þó huggað sig við að hún vann bardagann en hún var yfir á stigum þegar hann var blásinn af. Hin 23 ára Hanson hefur nú unnið átta af níu bardögum sínum á boxferlinum.

Meiðsli Hansons minna um margt á svipuð meiðsli sem UFC-stjarnan Joanna Jedrzejcyzk varð fyrir í bardaga gegn Weili Zhang í fyrra. Andlit hennar afmyndaðist einnig og hún var nánast óþekkjanleg.