VR eða VG? Ásthildur Lóa Þórsdóttir skrifar 5. mars 2023 16:01 Ég get hreinlega ekki orða bundist eftir rangfærslur og aðdróttanir Elvu Hrannar Hjartardóttur, sem er í framboði til formanns VR, í Silfri Egils sunnudaginn 5. mars. Sem formaður Hagsmunasamtaka heimilanna get ég fullyrt að fáir eða engir hafa barist jafn vel fyrir réttindum venjulegra launþega á húsnæðismarkaði og Ragnar Þór Ingólfsson. Einnig má nefna þá skelfingu eftir hrunið, þegar flokkshollir verkalýðsforingjar fórnuðu heimilunum á altari flokkshollustu sinnar og ríkisstjórn Jóhönnu og Steingríms afhenti bönkunum heimilin á silfurfati. Það olli hræðilegum skaða og er beinlínis hættulegt að bjóða upp á sú saga geti endurtekið sig. Enn hefur ekki verið undið ofan af þeim hörmungum öllum og gríðarlega mikilvægt fyrir alla þjóðina að verkalýðshreyfingin sé sá skjöldur fyrir fólkið sem hún á að vera, ekki síst þegar jafn miklar blikur eru á lofti og nú. Það gerist ekki þegar hollusta þeirra sveiflast á milli fólksins sem það á að vinna fyrir og ríkisstjórnar sem vinnur gegn því. Það dylst engum þvílíku grettistaki Ragnar Þór hefur lyft og hvernig hann, ásamt nokkrum öðrum, hefur breytt verkalýðshreyfingunni úr því að vera „þæg og meðfærileg“ í afl sem ekki er hægt að hunsa. Það sem ég þó veit Á undanförnum árum hef ég verið í töluverðum samskiptum við Ragnar Þór Ingólfsson. Eitt af því sem við ræðum mikið er staða húsnæðismála. Ég hef þannig fylgst með frá hliðarlínunum hvernig hann vann að stofnun Bjargs, ásamt stjórn VR, og hvernig það gekk allt vel í góðu samstarfi hlutaðeigandi aðila. En síðan hófst vinnan við Blæ. Nú er það ekki þannig að Ragnar hafi rætt eitt eða neitt í smáatriðum, en ég varð vör við sífellt meiri vonbrigði hjá honum vegna þess að hann komst ekkert áfram með þetta innan ASÍ. Fyrst sagðist hann ekki skilja hvað væri að tefja málin en þegar leið á sannfærðist hann um að þáverandi forseti ASÍ væri leynt og ljóst að vinna gegn Blæ leigufélagi. Hann, ásamt sínu fólki, var búin að útvega lóðir og fjármagn, en allt sat fast inn í ASÍ. Mér er sérstaklega minnisstætt eitt skiptið sem ég hringdi því þá var hann nýkomin af átakafundi vegna Blæs og var ekki enn búin að jafna sig þegar ég náði í hann. Hann var algjörlega miður sín yfir átökunum og þeim tíma sem var að tapast fyrir þá sem á þurftu að halda. Ég fann þá hversu hart hann hafði þurft að berjast og hversu mikið hann tók það inn á sig að geta ekki hnikað málum áfram. Auðvitað er ljóst að ég sat ekki þessa fundi og veit ekki allt sem þar fór fram, en þrátt fyrir það eru nokkrir hlutir sem ég veit. Sumt af því er opinber vitneskja en annað byggir á nokkurra ára kynnum mínum af Ragnari Þór, samstarfi mínu við hann og hugsjóninni sem við bæði deilum, en þar eru húsnæðismál í víðum skilningi efst á baugi. #1: Ragnar Þór er hugsjónamaður sem engin getur keypt eða leitt af leið #2: Ragnar Þór er skipulagður og hefur yfirburðaþekkingu í t.d. þessum málaflokki. Það kemur ekki til greina að hann sé ekki með tilbúin “gögn” fyrir ASÍ eða hafi verið á einhvern hátt „óskýr“ í sínum málflutningi. #3: Um leið og Stjórn VR fór að íhuga stöðu sína innan ASÍ vegna málsins fór Blær loksins á flug og er að hefja fyrstu framkvæmdir. Skoðum hvar þræðirnir liggja Fram að því að Ragnar Þór varð formaður VR hafði pólitíkin haft mikil ítök innan verkalýðshreyfingarinnar. Ein af fáum undantekningum frá því var Vilhjálmur Birgisson, enda var hann sá eini sem eitthvað heyrðist í af viti. Það var mikil blóðtaka fyrir pólitíkina að missa VR úr höndum sínum og við skulum ekki ímynda okkur að hún sé ekki að reyna að ná áhrifum sínum á ný, því sjálfstæðir verkalýðsleiðtogar með sannfæringu sem ekkert fær haggað, eru erfiðir fyrir pólitík og atvinnurekendur en góðir fyrir launafólk. Mótframbjóðandi Ragnars Þórs, Elva Hrönn, vildi ekki gefa upp hvaðan hún hefði upplýsingar sínar, um að Ragnar Þór hefði ekki lagt fram viðeigandi gögn, en án þess að þekkja meira til en opinberar upplýsingar gefa til kynna, blasir við að þrír stórir leikendur tengjast í gegnum VG: Drífa Snædal fv. forseti ASÍ var framkvæmdastjóri VG frá 2006 – 2010. Halla Gunnarsdóttir, sem er í framboði til stjórnar VR, var aðstoðarmaður ráðherra VG 2009 – 2013 (á meðan heimilunum var fórnað), ráðgjafi Katrínar Jakobsdóttur 2018 – 2020 þegar hún var svo ráðin af Drífu Snædal, án auglýsingar, sem framkvæmdarstjóri ASÍ, og kom þangað beint úr forsætisráðuneytinu. Um Elvu Hrönn segir í grein á Vísi þegar hún sóttist eftir 2. sæti í Reykjavík í síðustu Alþingiskosningum: „Elva Hrönn gekk til liðs við VG snemma árs 2017 og hefur tekið virkan þátt í starfi hreyfingarinnar síðan, er varaformaður VG í Reykjavík og situr í stjórn flokksins.“ Elva sagði sig úr stjórn VG daginn sem hún tilkynnti formannsframboð í VR. Í þessari sömu grein segir hún enn fremur: „Náttúruvernd, félagslegt réttlæti og loftslagsváin eru einnig með stærstu verkefnunum framundan þar sem þarf að tryggja að öll getum við tekið þátt í samfélaginu okkar.“ Eins og fyrr segir sat Elva Hrönn í stjórn VG fram til 3. febrúar, sama dag og hún tilkynnti framboð sitt til formanns VR. Í meðfylgjandi skjáskoti úr fréttabréfi VG, má sjá að Katrín Jakobsdóttir forsætisráðherra þakkaði Elvu persónulega fyrir samstarfið. Já þeir liggja víða þræðirnir ef að er gáð. Ferill VG í húsnæðismálum er blóði drifinn, svo ekki sé tekið sterkar til orða og við vitum öll hvernig „félagslegt réttlæti“ VG er í raun. Hrikaleg staða í heilbrigðiskerfinu og botnlaust dekur við sérhagsmunaöflin. Ég ætla að leyfa mér að fullyrða að það yrði stórslys ef Elva Hrönn og Halla Gunnarsdóttir, kæmust til áhrifa innan VR því eftir sögunni að dæma er óhætt að fullyrða að ekkert gott muni koma frá aukinni aðkomu þeirra að húsnæðismálum eða verkalýðsbaráttu. Formaður Hagsmunasamtaka heimilanna og þingmaður Flokks fólksins Viltu birta grein á Vísi? Sendu okkur póst. Senda grein Kjaramál Stéttarfélög Ásthildur Lóa Þórsdóttir Flokkur fólksins Mest lesið Halldór 21.06.2025 Halldór “Jákvæð viðbrögð” um veiðigjaldið? Heimir Örn Árnason Skoðun Skattgreiðendur látnir borga brúsann Hjörtur J. Guðmundsson Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun Opið bréf til Rósu Guðbjartsdóttur Margrét Kristín Blöndal Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun Veitingastaðir eru ekki kjarnorkuver Jóhann Páll Jóhannsson Skoðun Verið brjáluð. Ég fer ekki neitt Ian McDonald Skoðun Að sækja gullið (okkar) grein 2 Þröstur Friðfinnsson Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley Skoðun Skoðun Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar Skoðun “Jákvæð viðbrögð” um veiðigjaldið? Heimir Örn Árnason skrifar Skoðun Skattgreiðendur látnir borga brúsann Hjörtur J. Guðmundsson skrifar Skoðun Nokkur orð um Kúbudeiluna og viðskiptabannið Gylfi Páll Hersir skrifar Skoðun Ráðherrar með reiknivél og leyndarhyggju Kristinn Karl Brynjarsson skrifar Skoðun Gróf misbeiting illa fengins valds Örn Sigurðsson skrifar Skoðun Að sækja gullið (okkar) grein 2 Þröstur Friðfinnsson skrifar Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar Skoðun Pólítískt hugrekki Unnur Hrefna Jóhannsdóttir skrifar Skoðun Vísir að lægri orkureikningi Einar Vilmarsson skrifar Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar Skoðun Opið bréf til Rósu Guðbjartsdóttur Margrét Kristín Blöndal skrifar Skoðun Mikil réttarbót fyrir fatlað fólk mætir hindrunum Kolbrún Áslaugar Baldursdóttir skrifar Skoðun Verið brjáluð. Ég fer ekki neitt Ian McDonald skrifar Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar Skoðun Vönduð vinnubrögð? Heiðrún Lind Marteinsdóttir skrifar Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar Skoðun Veitingastaðir eru ekki kjarnorkuver Jóhann Páll Jóhannsson skrifar Skoðun Nýr vegvísir Evrópusambandsins um jafnrétti kynjanna Clara Ganslandt skrifar Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar Skoðun Blaður 35 Gunnar Hólmsteinn Ársælsson skrifar Skoðun Kaldar kveðjur frá forsætisráðherrra til ferðaþjónustunnar Pétur Óskarsson skrifar Skoðun Nú hefst samræmt próf í stærðfræði Sigrún Ólöf Ingólfsdóttir skrifar Skoðun Rangfærslur Viðskiptaráðs Finnbjörn A. Hermannsson skrifar Skoðun Sanngirni í Kópavogsmódelinu Eydís Inga Valsdóttir skrifar Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar Skoðun Skapandi framtíð – forvarnir og félagsstarf í Hafnarfirði Kristín Thoroddsen skrifar Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar Skoðun Hvaða orka? Birgir Sverrisson skrifar Skoðun Það skiptir máli hvernig gervigreind er notuð í kennslu Hjörvar Ingi Haraldsson skrifar Sjá meira
Ég get hreinlega ekki orða bundist eftir rangfærslur og aðdróttanir Elvu Hrannar Hjartardóttur, sem er í framboði til formanns VR, í Silfri Egils sunnudaginn 5. mars. Sem formaður Hagsmunasamtaka heimilanna get ég fullyrt að fáir eða engir hafa barist jafn vel fyrir réttindum venjulegra launþega á húsnæðismarkaði og Ragnar Þór Ingólfsson. Einnig má nefna þá skelfingu eftir hrunið, þegar flokkshollir verkalýðsforingjar fórnuðu heimilunum á altari flokkshollustu sinnar og ríkisstjórn Jóhönnu og Steingríms afhenti bönkunum heimilin á silfurfati. Það olli hræðilegum skaða og er beinlínis hættulegt að bjóða upp á sú saga geti endurtekið sig. Enn hefur ekki verið undið ofan af þeim hörmungum öllum og gríðarlega mikilvægt fyrir alla þjóðina að verkalýðshreyfingin sé sá skjöldur fyrir fólkið sem hún á að vera, ekki síst þegar jafn miklar blikur eru á lofti og nú. Það gerist ekki þegar hollusta þeirra sveiflast á milli fólksins sem það á að vinna fyrir og ríkisstjórnar sem vinnur gegn því. Það dylst engum þvílíku grettistaki Ragnar Þór hefur lyft og hvernig hann, ásamt nokkrum öðrum, hefur breytt verkalýðshreyfingunni úr því að vera „þæg og meðfærileg“ í afl sem ekki er hægt að hunsa. Það sem ég þó veit Á undanförnum árum hef ég verið í töluverðum samskiptum við Ragnar Þór Ingólfsson. Eitt af því sem við ræðum mikið er staða húsnæðismála. Ég hef þannig fylgst með frá hliðarlínunum hvernig hann vann að stofnun Bjargs, ásamt stjórn VR, og hvernig það gekk allt vel í góðu samstarfi hlutaðeigandi aðila. En síðan hófst vinnan við Blæ. Nú er það ekki þannig að Ragnar hafi rætt eitt eða neitt í smáatriðum, en ég varð vör við sífellt meiri vonbrigði hjá honum vegna þess að hann komst ekkert áfram með þetta innan ASÍ. Fyrst sagðist hann ekki skilja hvað væri að tefja málin en þegar leið á sannfærðist hann um að þáverandi forseti ASÍ væri leynt og ljóst að vinna gegn Blæ leigufélagi. Hann, ásamt sínu fólki, var búin að útvega lóðir og fjármagn, en allt sat fast inn í ASÍ. Mér er sérstaklega minnisstætt eitt skiptið sem ég hringdi því þá var hann nýkomin af átakafundi vegna Blæs og var ekki enn búin að jafna sig þegar ég náði í hann. Hann var algjörlega miður sín yfir átökunum og þeim tíma sem var að tapast fyrir þá sem á þurftu að halda. Ég fann þá hversu hart hann hafði þurft að berjast og hversu mikið hann tók það inn á sig að geta ekki hnikað málum áfram. Auðvitað er ljóst að ég sat ekki þessa fundi og veit ekki allt sem þar fór fram, en þrátt fyrir það eru nokkrir hlutir sem ég veit. Sumt af því er opinber vitneskja en annað byggir á nokkurra ára kynnum mínum af Ragnari Þór, samstarfi mínu við hann og hugsjóninni sem við bæði deilum, en þar eru húsnæðismál í víðum skilningi efst á baugi. #1: Ragnar Þór er hugsjónamaður sem engin getur keypt eða leitt af leið #2: Ragnar Þór er skipulagður og hefur yfirburðaþekkingu í t.d. þessum málaflokki. Það kemur ekki til greina að hann sé ekki með tilbúin “gögn” fyrir ASÍ eða hafi verið á einhvern hátt „óskýr“ í sínum málflutningi. #3: Um leið og Stjórn VR fór að íhuga stöðu sína innan ASÍ vegna málsins fór Blær loksins á flug og er að hefja fyrstu framkvæmdir. Skoðum hvar þræðirnir liggja Fram að því að Ragnar Þór varð formaður VR hafði pólitíkin haft mikil ítök innan verkalýðshreyfingarinnar. Ein af fáum undantekningum frá því var Vilhjálmur Birgisson, enda var hann sá eini sem eitthvað heyrðist í af viti. Það var mikil blóðtaka fyrir pólitíkina að missa VR úr höndum sínum og við skulum ekki ímynda okkur að hún sé ekki að reyna að ná áhrifum sínum á ný, því sjálfstæðir verkalýðsleiðtogar með sannfæringu sem ekkert fær haggað, eru erfiðir fyrir pólitík og atvinnurekendur en góðir fyrir launafólk. Mótframbjóðandi Ragnars Þórs, Elva Hrönn, vildi ekki gefa upp hvaðan hún hefði upplýsingar sínar, um að Ragnar Þór hefði ekki lagt fram viðeigandi gögn, en án þess að þekkja meira til en opinberar upplýsingar gefa til kynna, blasir við að þrír stórir leikendur tengjast í gegnum VG: Drífa Snædal fv. forseti ASÍ var framkvæmdastjóri VG frá 2006 – 2010. Halla Gunnarsdóttir, sem er í framboði til stjórnar VR, var aðstoðarmaður ráðherra VG 2009 – 2013 (á meðan heimilunum var fórnað), ráðgjafi Katrínar Jakobsdóttur 2018 – 2020 þegar hún var svo ráðin af Drífu Snædal, án auglýsingar, sem framkvæmdarstjóri ASÍ, og kom þangað beint úr forsætisráðuneytinu. Um Elvu Hrönn segir í grein á Vísi þegar hún sóttist eftir 2. sæti í Reykjavík í síðustu Alþingiskosningum: „Elva Hrönn gekk til liðs við VG snemma árs 2017 og hefur tekið virkan þátt í starfi hreyfingarinnar síðan, er varaformaður VG í Reykjavík og situr í stjórn flokksins.“ Elva sagði sig úr stjórn VG daginn sem hún tilkynnti formannsframboð í VR. Í þessari sömu grein segir hún enn fremur: „Náttúruvernd, félagslegt réttlæti og loftslagsváin eru einnig með stærstu verkefnunum framundan þar sem þarf að tryggja að öll getum við tekið þátt í samfélaginu okkar.“ Eins og fyrr segir sat Elva Hrönn í stjórn VG fram til 3. febrúar, sama dag og hún tilkynnti framboð sitt til formanns VR. Í meðfylgjandi skjáskoti úr fréttabréfi VG, má sjá að Katrín Jakobsdóttir forsætisráðherra þakkaði Elvu persónulega fyrir samstarfið. Já þeir liggja víða þræðirnir ef að er gáð. Ferill VG í húsnæðismálum er blóði drifinn, svo ekki sé tekið sterkar til orða og við vitum öll hvernig „félagslegt réttlæti“ VG er í raun. Hrikaleg staða í heilbrigðiskerfinu og botnlaust dekur við sérhagsmunaöflin. Ég ætla að leyfa mér að fullyrða að það yrði stórslys ef Elva Hrönn og Halla Gunnarsdóttir, kæmust til áhrifa innan VR því eftir sögunni að dæma er óhætt að fullyrða að ekkert gott muni koma frá aukinni aðkomu þeirra að húsnæðismálum eða verkalýðsbaráttu. Formaður Hagsmunasamtaka heimilanna og þingmaður Flokks fólksins
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley Skoðun
Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar
Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar
Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar
Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar
Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar
Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar
Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar
Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley Skoðun