Veitir samstarfsflokkunum nokkurra sólar­hringa frest

Þetta segir Sigurður Ingi Jóhannsson í færslu á Facebook. Þar segir hann að fjölmiðlar hafi mikið sóst eftir viðtölum í dag.

„Ég hef ekki svarað spurningum þar sem ég get ekki og vil ekki geta í hvað gerist á einstökum fundum samstarfsflokkanna. Það verður að spyrja forystufólk þeirra flokka um þeirra mál.“

Þar vísar hann til fundar þingflokks Sjálfstæðisflokksins, sem boðað var til með skömmum fyrirvara síðdegis í gær. Þar ræddu þingmenn flokksins ríkisstjórnarsamstarfið og stöðuna í stjórnmálunum almennt. Engin formleg niðurstaða varð á fundinum.

Sigurður Ingi segir það deginum ljósara að ákaflega brýnt sé að vinnufriður skapist í ríkisstjórninni.