Jamaíkamaður í hóp þeirra fljótustu í sögunni

Thompson hljóp þá 100 metra hlaup á 9,75 sekúndum í úrslitahlaupinu.

Þetta er auðvitað besti tími ársins í greininni.

Það eru nefnilega aðeins fimm sem hafa hlaupið 100 metra hlaup hraðar í sögunni en það eru Usain Bolt (9,58 sekúndur), Tyson Gay (9,69), Yohan Blake (9,69), Asafa Powell (9,72) og Justin Gatlin (9,74).

Oblique Seville varð annar á 9,83 sekúndum og Ackeem Blake kom í þriðja sætinu á 9,88 sekúndum.

Thompson er 23 ára gamall og varð í öðru sæti í 100 metra hlaupi á Ólympíuleikunum í París í fyrra. Þá hljóp hann á 9,79 sekúndum eða á sama tíma og gullverðlaunahafinn Noah Lyles.

Lyles var dæmdur sigurinn á sjónarmun en það er varla hægt að missa af Ólympíugulli á grátlegri hátt. Munurinn taldist á endanum vera fimm þúsundasti úr sekúndu.

Thompson var annað árið í röð að setja persónulegt met í 100 metra hlaupi á jamaíska meistaramótinu því hann hljóð á 9,77 sekúndum þegar hann vann í fyrra.