Fékk stöngina í sig í miðju hlaupi

Þúsund metra hlaupið, sem var hluti af sjöþraut á HM, fór fram á sama tíma og keppni í stangarstökki karla.

Þegar Ferreira var á ferðinni á hlaupabrautinni var Tékkinn David Holy að hefja aðhlaup sitt í stangarstökkinu.

Holy komst þó ekki yfir rána og það sem verra var að stöngin fór á Ferreira sem féll við. Hann náði að klára hlaupið en kom síðastur í mark, sjö sekúndum á eftir næsta manni.

Ferreira endaði í 12. sæti í sjöþrautinni með 5.627 stig. Svisslendingurinn Simon Ehammer fagnaði sigri í greininni á nýju heimsmeti en hann fékk 6.670 stig.

Holy endaði sömuleiðis í 12. sæti í stangarstökkskeppninni. Það kom engum á óvart að Armand Duplantis stóð uppi sem sigurvegari þar.