„Langar bara að verða betri í fót­bolta“

„Svekktur en líka ánægður með frammistöðuna. Sérstaklega í fyrri hálfleik og byrjun þess seinni. Við gerðum ekki nógu vel í seinni hálfleik en það er eins og það er.“

„Mér fannst mómentið vera með þeim þegar þeir skora annað markið. Skora eitthvað skítahorn, veit ekki hver skoraði. Svekkjandi að fá á sig mark eftir horn. Síðan voru þeir líklegri í lokin til að loka þessu en við. En við fengum töluvert af möguleikum til að vinna þennan leik, það er 100 prósent.“

Þorleifur Úlfarsson kom inn í byrjunarlið Breiðabliks og þá byrjaði Kristófer Ingi Kristinsson einnig. Það virtist breyta sóknarleik Breiðabliks til hins betra.

„Við erum náttúrulega með frábæra leikmenn, þegar menn eru að fara einn á einn og eru að búa til færi hver fyrir annan þá erum við framlínumennirnir stórhættulegir. Þorleifur er frábær leikmaður og gott að fá hann inn í liðið.“

Að endingu var Ágúst Orri spurður út í bikarúrslitin gegn Aftureldingu í næsta mánuði.

„Auðvitað er maður eitthvað að hugsa um þennan bikarúrslitaleik, maður lýgur því ekki. En maður þarf að fara inn í hvern leik og klára hann. Síðan er ég mjög spenntur fyrir bikarúrslitunum, risastór. En þetta truflar mig ekki neitt. Mig langar bara að verða betri í fótbolta og mér finnst geðveikt gaman í fótbolta, það er bara staðan.“