Heilbrigðismál

Endurskoðun á sjúkraþjálfun

Samninganefnd heilbrigðisráðherra boðaði á fyrsta samningafundi með sjúkraþjálfurum endurskoðun á kerfi þeirra. Sjúklingum fer stöðugt fjölgandi og kostnaður Tryggingastofnunar hefur aukist um 84% á síðustu fimm árum. </font /></b />

Einstök flensutilvik ytra

Inflúensa hefur enn ekki greinst í nágrannalöndunum, nema í einstökum tilvikum, að sögn Haraldar Briem sóttvarnalæknis hjá Landlæknisembættinu.

Fagna reykingabanni

Lungnalæknar fagna áformum heilbrigðisráðherra um að leggja fram frumvarp til laga á Alþingi um reyklausa vinnustaði, þar á meðal veitinga- og skemmtistaði hér á landi.

Baldur til Karolinska

Íslenski prófessorinn, Baldur Sveinbjörnsson, sem starfað hefur við háskólann í Tromsö í Noregi hefur verið ráðinn við Karolínska sjúkrahúsið í Stokkhólmi

Lifrarbólgufaraldur í rénun

Lifrarbólgufaraldur hjá hommum virðist heldur vera í rénun, að því er fram kom í viðtali við Harald Briem sóttvarnalækni hjá Landlæknisembættinu.

Psoriasisfólki bægt frá sundstöðum

Þess eru dæmi að psoriasis-sjúklingum hafi verið meinaður aðgangur að búningsklefum og böðum svo sem í almenningssundlaugum og íþróttahúsum hér á landi, að sögn Guðnýjar Axelsdóttur, framkvæmdastjóra Samtaka psoriasis- og exemsjúklinga.

Krónur og brýr án endurgreiðslu

Tannlæknar segja óréttlátt að Tryggingastofnun taki ekki þátt í niðurgreiðslu á tannkrónum og brúm fyrir eldri borgara, að sögn Gunnars Leifssonar, formanns upplýsinganefndar. Yfirtryggingatannlæknir hafi bent á að því þurfi að breyta. Það hefur þó ekki gerst enn.

Krufning kostar 95 þúsund

Það getur kostað sitt að leita sér lækninga á spítala. Sjúklingar geta þurft að reiða fram þúsundir á þúsundir ofan. Þeir sem oftast þurfa til læknis fá afslátt. Fólk sem ekki er sjúkratryggt á Íslandi þarf að borga allt að þrettán hundruð þúsund krónur fyrir aðgerð. </font /></b />

Veglegur styrkur til daufblindra

Daufblindir geta auðveldlega einangrast. Nú hafa þeir fengið myndarlegan styrk, sem hjálpar þeim að taka betur þátt í því sem er að gerast í samfélaginu.

Hæsta álagnings tannlæknis 103%

Hæsta álagning sem vitað er til að tannlæknir noti er 103% umfram gjaldskrá heilbrigðisráðherra. Meðaltalshækkun er 15 - 20%. Tryggingayfirtannlæknir segir að gjaldskrána þurfi að hækka oftar en gert hefur verið. </font /></b />

Margir með illlæknanleg sár

Þeir sem þjást af slæmum langvarandi sárum eru þögull hópur. En nú er komið að stofnun samtaka.

Tannheilsa rannsökuð

Innan skamms verður hrundið af stað stórri rannsókn á stöðu tannheilsu barna. Er þetta gert til að bæta úr þeim skorti á nýjum upplýsingar um þennan heilsuþátt að sögn Gunnars Leifssonar tannlæknis.

Um 260 milljóna heimildir ónýttar

Hátt í þriðja hundrað milljónir vantaði upp á að Tryggingastofnun fullnýtti heimildir sínar til niðurgreiðslu á tannlæknakostnaði á síðustu þremur árum. Tannlæknir telur, að fjárhæðina hefði átt að nota til að hækka gjaldskrá heilbrigðisráðherra. </font /></b />

Um 2,4 milljarðar í sjúkraþjálfun

Útgjöld Tryggingastofnunar vegna sjúkraþjálfunar eru sögð hafa aukist stórlega á síðustu tíu árum.

Ný aðferð til að drepa krabbamein

Baldur Sveinbjörnsson prófessor við háskólann í Tromsö komst að því, ásamt samstarfsfólki að tvö þekkt verkjalyf drepa frumur í krabbameini sem leggst á lítil börn. Niðurstöður frumrannsóknar hafa vakið mikla athygli. </font /></b />

Umfangsmiklar rannsóknir

Þótt rannsóknir ÍE á lyfinu DG031 hafi aðeins staðið yfir í tæpt ár þá má segja að öll saga fyrirtækisins hafi miðað að þessum áfanga.

Nýtt hjartalyf handan við hornið

Prófanir Íslenskrar erfðagreiningar á nýju lyfi leiða í ljós að það hefur marktæk áhrif á áhrifaþætti hjartaáfalls. Tilraunum er ólokið en komist lyfið á markað mun verðmæti fyrirtækisins margfaldast.

Áhrifaríkt lyf án aukaverkana

Tilraunalyfið DG031 sem Íslensk erfðagreining hefur prófað á 172 Íslendingum með góðum árangri kemur upphaflega frá þýska lyfjarisanum Bayer AG. Efnið er lítil lyfjasameind sem hindrar virkni tiltekinna prótína sem hvetja til myndunar bólguvaka sem aftur eru taldir geta leitt til hjartaáfalls.

Boða byltingu í meðferð geðsjúkra

Hópur geðsjúkra í Hugarafli boðar byltingu í meðferð geðsjúkra, eftir að hafa unnið verkefni á geðdeildum Landspítala. Sviðsstjóri á geðsviði leggur til að gengið verði í lagfæringar á atriðum sem bent er á í niðurstöðum verkefnisins. </font /></b />

Geðdeildum fyrir hundruð lokað

Ásta Ragnheiður Jóhannesdóttir, alþingismaður Samfylkingarinnar sagði í utandagskrárumræðum um stöðu geðfatlaðra á Alþingi í gær að geðdeildum með á annað hundrað rúmum hefði verið lokað á Landspítalanum á síðustu átta árum: "Ekkert hefur komið í staðinn til þess að mæta umönnunar- og þjónustuþörf mikið veikra sjúklinga."

Sorpfjallið of hátt

Óðum styttist í að Sorpstöð Suðurlands verði lokað, eins og staðan er í dag.

Geðlæknar hópast utan í boðsferðir

Á annan tug íslenskra geðlækna koma heim í dag frá Stokkhólmi, þar sem þeir dvöldust í boði lyfjafyrirtækja. Sömu geðlæknar ávísa sjúklingum lyf frá þeim fyrirtækjum sem buðu þeim í ferðina. Geðlæknaskortur hefur verið á Landspítalanum vegna ferðalagsins. Lyfjafyrirtæki eru sögð hafa greitt geðlæknum laun í sólarlandaferðum.

Þjóðin brást afar vel við

Enn liggur ekki fyrir hve mikið safnaðist í landssöfnun Kiwanismanna sem lauk um síðustu helgi.

Lifrarbólga A geisar meðal homma

Hópsýkingar af völdum lifrarbólgu A geisa nú meðal homma í nágrannalöndunum. Landlæknisembættið vill að hommar hér á landi láti bólusetja sig. Formaður Samtakanna ´78 hvetur til hins sama, en segir bóluefnið vera fokdýrt. </font /></b />

Fólk þyrpist í flensusprautu

Fólk þyrpist þessa dagana í bólusetningu gegn inflúensu. Ekki hefur flensunnar enn orðið vart hér á landi en Haraldur Briem sóttvarnarlæknir telur aðeins spurningu um tíma hvenær hún stingi sér niður.

Barnageðdeild í óviðunandi húsnæði

Barna- og unglingageðdeildin á Dalbraut er starfrækt að hluta í alltof litlu og að hluta til í óviðunandi húsnæði. Verst er þó aðstaðan í kjallara hússins, sem er lítill, án loftræstingar, en nóg af maurum og silfurskottum, að sögn starfsfólks.

Söfnun fyir geðsjúka hafin

Tengiliður

Landlæknisembættið hefur óskað eftir því að "orkunámskeið" þau sem haldin voru hér í síðasta mánuði endurtaki sig ekki.

Gallað bóluefni ekki notað

Fólk þarf ekki að hafa áhyggjur af því að hér verði notað bóluefni sem hefur verið innkallað af markaði.

500 milljónir vegna hættulegs lyfs

Á síðustu árum greiddi Tryggingastofnun nær hálfan milljarð með gigtarlyfi sem nú hefur verið bannað.