Lög og regla

Fréttamynd

Lýst eftir 17 ára stúlku

Lögreglan í Reykjavík lýsir eftir eftir Söndru Baldursdóttur, til heimilis að Blöndubakka í Reykjavík. Sandra er fædd árið 1988. Hún er um einn og sextíu á hæð, ljóshærð með axlarsítt hár, er brúneygð og grannvaxin. Ekkert hefur spurst til Söndru síðan 10. september.

Innlent
Fréttamynd

Hafi sent gögn til Styrmis

Jón Steinar Gunnlaugsson hæstaréttardómari sem var lögmaður Jóns Geralds Sullenbergers, sendi gögn skjólstæðings síns til Styrmis Gunnarssonar ritsjóra Morgunblaðsins. Þetta kemur fram í <em>Fréttablaðinu</em> í dag.

Innlent
Fréttamynd

Skyrslettumálið tekið fyrir

Fyrirtaka var í dag í Héraðsdómi Reykjavíkur í máli þeirra Ólafs Páls Sigurðssonar og Örnu Aspar Magnúsdóttir sem ákærð eru fyrir stórfelld eignaspjöll og húsbrot þegar þau slettu skyri á ráðstefnugesti á Hótel Nordica í sumar.

Innlent
Fréttamynd

Íkveikjur í rannsókn

Ekki hafa komið fram nýjar vísbendingar í rannsókn lögreglu í Reykjavík á íkveikjum í höfuðborginni fyrstu helgina í september. Þá er grunur um íkveikju á að minnsta kosti fjórum stöðum í borginni, þar af tvisvar á sama stað með sólarhrings millibili í skemmu við Fiskislóð.

Innlent
Fréttamynd

Vonast eftir refsilækkun

Mál Hákonar Eydals, sem banaði fyrrverandi sambýliskonu sinni og barnsmóður, Sri Rahmawati í fyrrasumar, var flutt í Hæstarétti í gær. Dóms er að vænta innan tíðar.

Innlent
Fréttamynd

Varað við ferðum á Sandskeiði

Lögreglan í Reykjavík varar við ferðum á Sandskeiði vegna slæms veðurs. Einkum er mælst til þess að ekki sé farið þar um á vanbúnum bílum. Á Sandskeiði er skyggni nánast ekkert, mikið hvassviðri og hálka.

Innlent
Fréttamynd

Rannsókn enn í gangi

Enn stendur yfir rannsókn lögreglu á slysi sem varð á Viðeyjarsundi tíunda þessa mánaðar þegar skemmtibátur steytti á Skarfaskeri með þeim afleiðingum að tvö fórust. Hörður Jóhannesson yfirlögregluþjónn sagði ekkert nýtt að frétta af rannsókninni, en þó hyllti nú undir lok hennar. Hann bjóst við að mál tækju að skýrast þegar nær drægi vikulokum.

Innlent
Fréttamynd

Hótaði, barði og skar konu

Rúmlega fertugur karlmaður neitaði sök í Héraðsdómi Reykjavíkur í gær þegar tekið var fyrir heimilisofbeldismál á hendur honum. Manninum er gefið að sök að hafa svipt konu frelsi sínu með því að halda henni fanginni á heimili sínu frá því klukkan fimm að morgni sunnudagsins 19. september í fyrra til klukkan tíu þegar henni tókst að komast út.

Innlent
Fréttamynd

Eldur varð laus í Grafarholti

Slökkvilið höfuðborgarsvæðisins var kallað út rétt fyrir klukkan eitt í dag vegna elds í timbri og plastgeymum við byggingarsvæði í Grafarholti. Mikinn svartan reyk lagði frá eldinum og höfðu íbúar í nágrenninu áður reynt að slökkva hann en án árangurs. 

Innlent
Fréttamynd

Vísar fullyrðingum Jónínu á bug

Og Vodafone vísar fullyrðingum Jónínu Benediktsdóttur, sem fram komu í hádegisfréttum Bylgjunnar um meðferð á tölvupósti, alfarið á bug. Hún hafi með orðum sínum vegið harkalega að fyrirtækinu með ómaklegum hætti, auk þess sem hún ásaki starfsmenn fyrirtækisins um brot á lögum. Fyrirtækið muni því skoða réttarstöðu sína og starfsmanna frekar. </font /></font />

Innlent
Fréttamynd

Festu jeppabifreið

Þrjár ungar konur festu jeppabifreið sína á Fjallabaksleið nyrðri á laugardagskvöld. Konurnar ætluðu austur fyrir Landmannalaugar að Eldgjá en festu bílinn.

Innlent
Fréttamynd

Breytir líklega ekki neinu

Jóhannes Jónsson, einn eigenda Baugs og sakborningur í Baugsmálinu, segir að fréttir helgarinnar hafi fært honum heim sanninn um að rætur Baugsmálsins séu pólitískar. Hann er þó ekki viss um að þetta breyti neinu fyrir framvindu málsins.

Innlent
Fréttamynd

Bruni í bát í Grindavík

Tilkynnt var um reyk sem kom frá bátnum Sigurvin er lá í höfninni í Grindavík um hálfeittleytið í nótt. Samkvæmt upplýsingum lögreglunnar í Keflavík hafði kabyssa í lúgar bátsins ofhitnað og lagði talsverðan reyk frá henni.

Innlent
Fréttamynd

Þjófnaður á póstinum verður kærður

Jónína Benediktsdóttir segir að þjófnaður á persónulegum tölvupósti hennar verði kærður til lögreglu í dag. Fyrirtækið Og Vodafone hýsi tölvupóst hennar en hún kunni engar skýringar á því hvernig hann komst í hendur fjölmiðla.

Innlent
Fréttamynd

Sakargiftir fyrndar vegna tafa

Tafir á rannsókn efnhagsbrotadeildar Ríkislögreglustjóra hafa orðið til þess að sakargiftir á hendur fyrrverandi forsvarsmönnum Lífeyrissjóðs Austurlands eru nú að hluta til fyrndar. Málið hefur verið á borði Ríkislögreglustjóra í að verða þrjú ár.

Innlent
Fréttamynd

Líkamsárásarmál naut forgangs

Líkamsárásarmál naut forgangs hjá lögreglu yfir rannsókn á máli konu sem þrír menn nauðguðu. Vika leið áður en tveir mannanna voru yfirheyrðir, þrátt fyrir að lögregla vissi deili á þeim.

Innlent
Fréttamynd

Lögregla braut verklagsreglur

Lögreglan braut gegn eigin verklagsreglum við rannsókn á máli konu sem þrír menn nauðguðu segir Atli Gíslason, lögmaður konunnar.

Innlent
Fréttamynd

Skiptir engu fyrir framvinduna

Arnar Jensson, aðstoðaryfirlögregluþjónn hjá Ríkislögreglustjóra, segir þær upplýsingar um tildrög kærunnar í Baugsmálinu sem komu fram í Fréttablaðinu dag engu skipta fyrir lögregluna eða framvindu málsins.  Ingibjörg Sólrún Gísladóttir vill ekkert segja um málið að sinni.

Innlent
Fréttamynd

Fyrstir til að festa sig í snjó

Lögreglan á Húsavík þurfti að koma ökumönnum og farþegum tveggja bíla til aðstoðar eftir að þeir festu bíla sína í snjó á Dettifossvegi. Vegurinn er einna helst fær jeppum en báðir bílarnir sem festust eru fólksbílar. Þetta er í fyrsta skipti í haust sem lögreglumenn á Húsavík þurfa að hjálpa þeim sem festa sig í snjó.

Innlent
Fréttamynd

Óttaðist að verða sakborningur

Styrmir Gunnarsson, ritstjóri Morgunblaðsins, Jón Steinar Gunnlaugsson, núverandi hæstaréttardómari, og Kjartan Gunnarsson, framkvæmdastjóri Sjálfstæðisflokksins, funduðu um kæru Jóns Geralds Sullenberger á hendur Baugi. Hik var á Jóni Gerald Sullenberger við að leggja fram kæru því hann óttaðist að verða sakborningur sjálfur.

Innlent
Fréttamynd

Barinn á skemmtistað

Karlmaður leitaði á náðir lögreglunnar í Keflavík og kvaðst hafa orðið fyrir líkamsárás á skemmtistað þar í bæ rétt fyrir klukkan sex í morgun. Manninum var bent á að fara á Heilbrigðisstofnun Suðurnesja til að fá áverkavottorð og kæra árásina að því loknu.

Innlent
Fréttamynd

Breyta þarf nauðgunarskilgreiningu

Breyta þarf skilgreiningu á nauðgun í íslenskum lögum í takt við alþjóðlega þróun, að mati Sifjar Konráðsdóttur hæstaréttarlögmanns. Hún telur að það leiddi til þess að frekar yrði hægt að ákæra í kynferðisbrotamálum.

Innlent
Fréttamynd

Metanpóstbíll brann á gatnamótum

Lítil póstflutningabifreið brann á gatnamótum Laugavegs og Nóatúns um klukkan hálf tvö í gær og er ónýt eftir. Ökumaður bifreiðarinnar slapp, en vegfarandi lét hann vita af reyk undir bílnum.

Innlent
Fréttamynd

Refsimál ekki höfðað

Þrátt fyrir að Hæstiréttur hafi dæmt þrjá nauðgara til að greiða fórnarlambi sínu bætur þykir saksóknara ekki efni til að höfða refsimál á hendur þeim.

Innlent
Fréttamynd

Útgerð krefst skaðabóta

Útgerðarfyrirtækið Guðmundur Runólfsson hf. á Grundarfirði ætlar að sækja fyrir dómi bætur vegna ólöglegs samráðs olíufélaganna. Útgerðin er fyrst til að lýsa þessu yfir en fleiri hugsa sinn gang.

Innlent
Fréttamynd

Sannleiksgildið enn í rannsókn

Lögreglan í Reykjavík rannsakar enn sannleiksgildi frásagnar átta ára stúlku sem greindi frá því á miðvikudag að maður hefði tælt hana upp í bíl, farið með hana í verslun þar sem hann tók af henni myndir og skilað henni svo aftur.

Innlent
Fréttamynd

Tvö ár bætast við fyrri dóm

Rúmlega fertugur karlmaður hefur verið dæmdur í tveggja ára fangelsi fyrir að ráðast í mars í fyrra á mann með kylfu og berja hann ítrekað fast í höfuðið. Þá var hann dæmdur fyrir að hafa haft í fórum sínum fíkniefni, hass, amfetamín og MDMA-töflur, og fyrir nokkra smáþjófnaði.

Innlent

Mest lesið