Styður hugmyndir um flutning flugs

Bæjarmálafélag Frjálslynda flokksins í Reykjanesbæ lýsir stuðningi við yfirlýsingu annarra stjórnmálaafla í sveitarfélaginu um að innanlandsflugið og skyld starfsemi verði flutt frá Vatnsmýrinni í Reykjavík til Keflavíkurflugvallar. Það muni styrkja atvinnulíf og samgöngur í Reykjanesbæ. Segir félagið að þverpólitísk samstaða um flugvallarmál séu til marks um styrk Reykjanesbæjar á sama tíma og hver höndin sé upp á móti annarri í Reykjavík og nágrenni.