Trump stríddi eiganda NY Jets

Forsetaframbjóðandinn og milljarðamæringurinn Donald Trump gladdist er NY Jets komst ekki í úrslitakeppni NFL-deildarinnar.

Hann sendi eiganda félagsins, Woody Johnson, sneið á Twitter. Trump sagði að Jets hefði að minnsta kosti komist í úrslitakeppnina ef Johnson styddi hann í forsetaframboðinu en ekki Jeb Bush.

Jets átti mjög góðan möguleika á að komast í úrslitakeppnina en kastaði boltanum þrisvar sinnum frá sér gegn Buffalo og sat í kjölfarið eftir með sárt ennið.

Líklegt er að Trump sé aðeins að stríða Johnson sem hann hefur kallað vin sinn í gegnum tíðina.

Woody Johnson, owner of the NYJets, is @JebBush's finance chairman. If Woody would've been w/me, he would've been in the playoffs, at least!

— Donald J. Trump (@realDonaldTrump) January 4, 2016