Segja að 750 þúsund manns hafi mætt í skrúðgöngu Liverpool | Myndir

Það var enginn skortur á gleði í Liverpool-borg í gær er Evrópumeistarar Liverpool keyrðu í gegnum borgina á opnum vagni. Stemningin var engu lík.

Lögregluyfirvöld skjóta á að um 750 þúsund manns hafi fagnað liðinu en það var fólk gjörsamlega alls staðar að fagna liðinu.

Liverpool varð Evrópumeistari í sjötta sinn á laugardag er liðið skellti Tottenham, 2-0, í úrslitaleiknum.

Stuðningsmenn Liverpool áttu líka Madridarborg en líklega um 50 þúsund stuðningsmenn félagsins skemmtu sér í miðbæ Madridar alla helgina.

Hér að neðan má sjá myndir frá gleðinni í gær.