„Þetta er sorgardagur“

„Ég hef alltaf sagt að ég myndi hætta þann dag sem að leikurinn og gleðin er ekki lengur til staðar. Hún er þarna enn og ég er hundrað prósent áfram í því sem ég geri. En ég finn líka að aðrir hlutir eru farnir að toga meira í mig. Í sumar er rétti tíminn til að leggja skóna á hilluna,“ sagði hinn 36 ára gamli Hansen á blaðamannafundinum.

Hansen kvaðst frekar vilja hætta aðeins of snemma en of seint, en hann vonast mjög til þess að geta fyrst spilað á Ólympíuleikunum í París. Ekki er víst að honum verði að ósk sinni.

„Ég get ekki sagt til um það,“ sagði Jacobsen landsliðsþjálfari við TV 2 Sport. „Hann er meiddur í augnablikinu en ef hann jafnar sig vel þá skoðum við málið í framhaldinu,“ sagði Jacobsen sem fór hins vegar ekki í grafgötur með hve merkilegur handboltamaður Hansen væri:

„Þetta er sorgardagur. Hann er einn stærsti handboltamaður sem við höfum átt í Danmörku. Hann er einn af stærstu íþróttamönnum sem við höfum átt í dönsku íþróttalífi. Hann er líka einn af þeim stærstu í handboltanum á heimsvísu,“ sagði Jacobsen.

„Þess vegna er þetta sorgardagur, því einn sá allra stærsti er að hætta,“ bætti hann við.