3 sóttu um starf skrifstofustjóra

Þrír sóttu um starf skrifstofustjóra Alþingis en það var auglýst laust til umsóknar 8. desember sl. og rann umsóknarfrestur um embættið út 22. desember. Þeir sem sóttu um voru Einar Farestveit, lögfræðingur á skrifstofu Alþingis, Helgi Bernódusson, aðstoðarskrifstofustjóri Alþingis og Þórhildur Líndal, umboðsmaður barna. Friðrik Ólafsson, skrifstofustjóri Alþingis, hefur óskað eftir að láta af störfum frá 20. janúar 2005 en hann verður sjötugur síðar í mánuðinum.