Snarpur jarðskjálfti norðan við Siglufjörð Jóhann K. Jóhannsson skrifar 24. júlí 2019 01:09 Mælingar gefa til kynna að skjálftinn hafi verið af stærðinni 4,6 skjáskot af vef Veðurstofu Íslands Snarpur jarðskjálfti reið yfir um tuttugu kílómetra norð-norðvestur af Siglufirði fimm mínútur fyrir klukkan eitt í nótt. Hann mældist 4,3 að stærð og fannst vel á öllu Eyjafjarðarsvæðinu og víðar. Til að mynda fannst hann vel á Akureyri. Jarðskjálftinn var á 2,7 km dýpi. Davíð Rúnar Gunnarsson, íbúi á Akureyri, segir í samtali við fréttastofu að í fyrstu hefði hann talið að stór vörubíll væri að aka fram hjá en svo hafi krafturinn aukist og á endanum hafi allt farið af stað. Hann segir að páfagaukurinn á heimilinu hafi orðið brjálaður á meðan þetta gekk yfir. Hann segir skjálftann hafa riðið yfir á nokkrum sekúndum. Davíð segir að þetta sé í fyrsta skipti í 15 ár sem hann finni fyrir jarðskjálfta í húsinu sem hann býr í. Kristín Ingibjörg Lárusdóttir, íbúi á Blönduósi, varð vör við skjálftann líkt og Davíð og lýsir honum og aðdragandanum eins. Líkt og vörubíll væri að aka fram hjá húsinu. Svo hafi allt nötrað og fann hún rúmið sitt hristast vel. Hún segir í samtali við fréttastofu að hún hafi aldrei fundið fyrir eins snörpum jarðskjálfa á Blönduósi og segir tilfinninguna hafa verið óþægilega. Samkvæmt upplýsingum fréttastofu hefur töluvert af grjóti hrunið í fjöllum við Siglufjörð. Þá hafa fréttastofu borist fregnir um að skjálftinn hafi fundist á Blönduósi með miklum drunum á undan. Skjálftinn eru á þekktu brotabelti, Tjörnesbrotabeltinu og hefur nokkur skjálftavirkni verið á svæðinu.Uppfært klukkan 09:35: Veðurstofan hefur endurreiknað stærð jarðskjálftans sem varð norður af Siglufirði í nótt með frekari gögnum og reyndist hann vera 4,3 að stærð. Nokkrir minni eftirskjálftar mældust eftir þann stóra, sá stærsti 2,7 að stærð, en rólegt hefur verið á svæðinu í morgun.Skjálftinn varð tæpa 20 kílómetra norður af SiglufirðiSkjáskot af vef Veðurstofu ÍslandsAlmannavarnadeild Ríkislögreglustjóra gert viðvart Samkvæmt upplýsingum frá Veðurstofu Íslands fannst skjálftinn frá Sauðárkróki austur á Húsavík. Ekki hafa borist tilkynningar um skemmdir. Einn smáskjálfti kom rétt á eftir þeim stóra og má búast við að einhver skjálftavirkni verði áfram. Veðurstofan hefur fengið fleiri en hundrað tilkynningar vegna jarðskjálftans. Böðvar Sveinsson, náttúruvársérfræðingur hjá Veðurstofu Íslands segir í samtali við fréttastofu að nokkrir eftirskjálftar hafi mælst frá því stóri skjálftinn reið yfir en að þeir hafi allir verið undir 3 að stærð. Böðvar segir atburðinn ekki óvenjulegan, skjálftinn varð á þekktum stað og að síðast hafi þar orðið öflug jarðskjálftahrina árið 2012, þar sem tveir skjálftar mældust yfir 5 að stærð og nokkrir fjórir að stærð. Hann segir ómögulegt að segja til um framhaldið. Til að mynda hafi jarðskjálftahrinan 2012 staðið yfir í einhvern tíma. Eins og er séu jarðskjálftarnir nú ekki eins öflugir. Aðspurður segir Böðvar að bakvakt Almannavarnadeildar Ríkislögreglustjóra hafi verið gert viðvart. Áfram verði fylgst vel með þróuninni og hefur auka mannskapur verið kallaður út hjá veðurstofunni. Í tilkynningu frá Veðurstofu Íslands segir að skjálftinn hafi orðið vegna jarðskorpuhreyfinga á Tjörnesbrotabeltinu. Nánari staðsetning skjálftans sé vestast á Húsavíkur-Flateyjarmisgenginu. Öflug jarðskjálftahrina hafi orðið á svipuðum slóðum haustið 2012. Stærstu skjálftarnir í þeirri hrinu voru 5,6 og 5,4 að stærð. Árið 2018 urðu þrír skjálftar stærri en 3,0 að stærð á svæðinu, en skjálftinn í nótt er sá fyrsti síðan 2012 sem er stærri en 4,0 að stærð. Fréttastofan minnir á leiðbeiningar frá almannavarnadeild Ríkislögreglustjóra um viðbrögð við jarðskjálftum sem má lesa hér.Hér má sjá vefmyndavélar af svæðinu.Fréttin hefur verið uppfærðFrá Siglufirði í nóttSkjáskot úr vefmyndavél Trölli.is Eldgos og jarðhræringar Fjallabyggð Tengdar fréttir Sá stærsti var 5,6 stig Stærstu skjálftarnir í nótt voru 5,6 að stærð og 4,8 að stærð. Þetta kemur fram í tilkynningu frá Veðurstofu Íslands. 21. október 2012 16:57 Mest lesið „Mér finnst þeir vera að taka frá mér lífið“ Innlent Nafngreina árásarmanninn í Manchester Erlent Óljóst hvort Kínverjarnir geti sótt vélina sína Innlent Rauk upp úr flugvél Jet2 Innlent Föst á Spáni næstu mánuði vegna meðgöngukvilla Innlent Loka leikskóladeild á Stöðvarfirði vegna manneklu Innlent Ragnhildur tekur við Kveik Innlent Refsing fyrir að reyna að myrða lækni þyngd Innlent Segist eiga í vopnuðum átökum við eiturlyfjasmyglara Erlent Eðlilegt að Ísland skoði að taka þátt Innlent Fleiri fréttir Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Sjá meira
Snarpur jarðskjálfti reið yfir um tuttugu kílómetra norð-norðvestur af Siglufirði fimm mínútur fyrir klukkan eitt í nótt. Hann mældist 4,3 að stærð og fannst vel á öllu Eyjafjarðarsvæðinu og víðar. Til að mynda fannst hann vel á Akureyri. Jarðskjálftinn var á 2,7 km dýpi. Davíð Rúnar Gunnarsson, íbúi á Akureyri, segir í samtali við fréttastofu að í fyrstu hefði hann talið að stór vörubíll væri að aka fram hjá en svo hafi krafturinn aukist og á endanum hafi allt farið af stað. Hann segir að páfagaukurinn á heimilinu hafi orðið brjálaður á meðan þetta gekk yfir. Hann segir skjálftann hafa riðið yfir á nokkrum sekúndum. Davíð segir að þetta sé í fyrsta skipti í 15 ár sem hann finni fyrir jarðskjálfta í húsinu sem hann býr í. Kristín Ingibjörg Lárusdóttir, íbúi á Blönduósi, varð vör við skjálftann líkt og Davíð og lýsir honum og aðdragandanum eins. Líkt og vörubíll væri að aka fram hjá húsinu. Svo hafi allt nötrað og fann hún rúmið sitt hristast vel. Hún segir í samtali við fréttastofu að hún hafi aldrei fundið fyrir eins snörpum jarðskjálfa á Blönduósi og segir tilfinninguna hafa verið óþægilega. Samkvæmt upplýsingum fréttastofu hefur töluvert af grjóti hrunið í fjöllum við Siglufjörð. Þá hafa fréttastofu borist fregnir um að skjálftinn hafi fundist á Blönduósi með miklum drunum á undan. Skjálftinn eru á þekktu brotabelti, Tjörnesbrotabeltinu og hefur nokkur skjálftavirkni verið á svæðinu.Uppfært klukkan 09:35: Veðurstofan hefur endurreiknað stærð jarðskjálftans sem varð norður af Siglufirði í nótt með frekari gögnum og reyndist hann vera 4,3 að stærð. Nokkrir minni eftirskjálftar mældust eftir þann stóra, sá stærsti 2,7 að stærð, en rólegt hefur verið á svæðinu í morgun.Skjálftinn varð tæpa 20 kílómetra norður af SiglufirðiSkjáskot af vef Veðurstofu ÍslandsAlmannavarnadeild Ríkislögreglustjóra gert viðvart Samkvæmt upplýsingum frá Veðurstofu Íslands fannst skjálftinn frá Sauðárkróki austur á Húsavík. Ekki hafa borist tilkynningar um skemmdir. Einn smáskjálfti kom rétt á eftir þeim stóra og má búast við að einhver skjálftavirkni verði áfram. Veðurstofan hefur fengið fleiri en hundrað tilkynningar vegna jarðskjálftans. Böðvar Sveinsson, náttúruvársérfræðingur hjá Veðurstofu Íslands segir í samtali við fréttastofu að nokkrir eftirskjálftar hafi mælst frá því stóri skjálftinn reið yfir en að þeir hafi allir verið undir 3 að stærð. Böðvar segir atburðinn ekki óvenjulegan, skjálftinn varð á þekktum stað og að síðast hafi þar orðið öflug jarðskjálftahrina árið 2012, þar sem tveir skjálftar mældust yfir 5 að stærð og nokkrir fjórir að stærð. Hann segir ómögulegt að segja til um framhaldið. Til að mynda hafi jarðskjálftahrinan 2012 staðið yfir í einhvern tíma. Eins og er séu jarðskjálftarnir nú ekki eins öflugir. Aðspurður segir Böðvar að bakvakt Almannavarnadeildar Ríkislögreglustjóra hafi verið gert viðvart. Áfram verði fylgst vel með þróuninni og hefur auka mannskapur verið kallaður út hjá veðurstofunni. Í tilkynningu frá Veðurstofu Íslands segir að skjálftinn hafi orðið vegna jarðskorpuhreyfinga á Tjörnesbrotabeltinu. Nánari staðsetning skjálftans sé vestast á Húsavíkur-Flateyjarmisgenginu. Öflug jarðskjálftahrina hafi orðið á svipuðum slóðum haustið 2012. Stærstu skjálftarnir í þeirri hrinu voru 5,6 og 5,4 að stærð. Árið 2018 urðu þrír skjálftar stærri en 3,0 að stærð á svæðinu, en skjálftinn í nótt er sá fyrsti síðan 2012 sem er stærri en 4,0 að stærð. Fréttastofan minnir á leiðbeiningar frá almannavarnadeild Ríkislögreglustjóra um viðbrögð við jarðskjálftum sem má lesa hér.Hér má sjá vefmyndavélar af svæðinu.Fréttin hefur verið uppfærðFrá Siglufirði í nóttSkjáskot úr vefmyndavél Trölli.is
Eldgos og jarðhræringar Fjallabyggð Tengdar fréttir Sá stærsti var 5,6 stig Stærstu skjálftarnir í nótt voru 5,6 að stærð og 4,8 að stærð. Þetta kemur fram í tilkynningu frá Veðurstofu Íslands. 21. október 2012 16:57 Mest lesið „Mér finnst þeir vera að taka frá mér lífið“ Innlent Nafngreina árásarmanninn í Manchester Erlent Óljóst hvort Kínverjarnir geti sótt vélina sína Innlent Rauk upp úr flugvél Jet2 Innlent Föst á Spáni næstu mánuði vegna meðgöngukvilla Innlent Loka leikskóladeild á Stöðvarfirði vegna manneklu Innlent Ragnhildur tekur við Kveik Innlent Refsing fyrir að reyna að myrða lækni þyngd Innlent Segist eiga í vopnuðum átökum við eiturlyfjasmyglara Erlent Eðlilegt að Ísland skoði að taka þátt Innlent Fleiri fréttir Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Sjá meira
Sá stærsti var 5,6 stig Stærstu skjálftarnir í nótt voru 5,6 að stærð og 4,8 að stærð. Þetta kemur fram í tilkynningu frá Veðurstofu Íslands. 21. október 2012 16:57
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu